Денес, 23.4.2025 год. училиштето се претвори во мал литературен фестивал! По повод Светскиот ден на книгата, нашите талентирани ученици не само што пишуваа свои текстови – туку и влегоа во улога на вистински писатели!
Преку забавни и проникливи интервјуа, тие се претставија како автори на сопствени дела, книжевни јунаци, како да се дел од светската сцена, зборуваа за нивните “книжевни патувања”, инспирации и идни соништа.
Секој од нив блесна со креативност, хумор и страст кон пишаниот збор.
Кога учениците глумат писатели – магијата на зборот оживува!
Зашто, книгата не е само хартија и мастило – таа е искуство, израз, и како што покажа оваа изведба – жив глас што се пренесува од генерација на генерација.
Честитки за сите млади писатели и актери – вие сте иднината на нашата култура.