Одбележан Меѓународниот ден на Мајчиниот јазик
Јазикот е нашата татковина, нашиот корен и огледалото на нашата душа. Денес, во нашето училиште, со многу љубов и креативност го одбележавме 21 Февруари – Меѓународниот ден на Мајчиниот јазик.
Преку низа активности, наставниците по македонски јазик и учениците ја истакнаа важноста од чувањето и негувањето на Мајчиниот збор како најголемо културно богатство.
Дрво на мудроста: Учениците пишуваа инспиративни пораки посветени на убавината на јазикот и ги закачуваа на нашето „Дрво на мудроста“, кое расцвета со најубавите зборови.
Читање мудри мисли: Ходниците одекнуваа со безвременските мисли на големите дејци за моќта на зборот и аманетот што треба да го чуваме.
“Јазикот е единствената наша татковина. Сè додека го чуваме, го негуваме, го вардиме, го гледаме јазикот наш македонски – ќе си ја имаме и татковината.” – Блаже Конески
Секој збор е важен. Секоја буква е трага. Да го сакаме и почитуваме Мајчиниот јазик секој ден!
Поврзани содржини