ООУ КИРИЛ И МЕТОДИЈ

🚌 Нашите ученици од шесто одделение имаа можност да се запознаат со убавините, историјата и културата на источниот и југоисточниот дел на Македонија 🇲🇰. Патувавме, учевме и создадовме спомени кои долго ќе се паметат!

📍 Ден 1: Градот на мостовите и кулите – Кратово. Нашата приказна започна во магичното Кратово. Шетајќи низ тесните сокаци, ги откривавме тајните на старите кули и камените мостови кои пркосат на времето. Учениците имаа можност во живо да ја почувствуваат автентичната архитектура и да научат повеќе за средновековната историја на овој град-музеј.
Слатко искуство – Ја посетивме фабриката за кондиторски производи,, Винчини”каде што учениците имаа единствена можност да видат како се создаваат омилените слатки. Најзабавниот дел беше чоко-работилницата, каде што секој можеше да ја покаже својата креативност (и да дегустира, секако! 🍫).

📍 Ден 2: Духовност и релаксација (Струмица & Дојран) Вториот ден беше посветен на духовните бисери и природните убавини:

Ги посетивме манастирите Вељуса и Водоча, каде што се воодушевувавме на прекрасните фрески и мирниот амбиент кој зрачи со вековна традиција.

Поминавме низ сончевата Струмица, уживајќи во нејзината енергија.
Покрај брегот на Дојранското Езеро, научивме за традиционалниот начин на рибарење и природните реткости на овој крај.

✨ Да ја запознаеме нашата татковина, да го зајакнеме другарството и да научиме дека најдобрите лекции се оние научени надвор од училишните клупи!

👉 Погледни галерија