ООУ Кирил и Методиј

По повод Европската недела на кодирање која траеше од 10 до 25 октомври (EU Code Week), учениците од нашето училиште преку интересни, креативни и едукативни активности ја откриваа магијата на кодирањето, поврзувајќи ги логичкото размислување, музиката, уметноста и македонското културно наследство.

✨ Учениците од трето одделение се впуштија во математичка авантура со активноста „Пронајди ги парните и непарните трицифрени броеви и откриј ја сликата“, преку препознавање броеви и следење кодирани насоки, тие ја развиваа логиката, прецизноста и вештините за решавање проблеми.

🇲🇰 Учениците од прво, второ и четврто одделение преку активноста „Македонски традиционален вез“ го поврзаа кодирањето со богатството на македонската традиција.

🎵🎶 Учениците од петто одделение ја реализираа активноста „Кодот на македонската песна“, во која кодирањето се спои со музиката и македонското културно наследство.

💡 Преку овие активности, учениците учеа дека кодирањето не е само пишување инструкции, туку и начин на размислување, откривање, создавање и соработка.

🌟 Кодираме, откриваме, создаваме и ја чуваме нашата традиција!

💻🌍 ЕВРОПСКА НЕДЕЛА НА КОДИРАЊЕ – КРЕАТИВНОСТ, ЛОГИКА И МАКЕДОНСКА ТРАДИЦИЈА! 🇲🇰

#МКPopovska06
МК-Popovska-06