Светскиот ден на храната – мали чекори, големи промени!
🍎🥦🍓🥪 По повод 16 Октомври – Светскиот ден на храната, нашето училиште се претвори во шарен свет на овошје, зеленчук, креативност и добрина! Учениците од прво до петто одделение преку интересни, практични и несекојдневни активности испратија важна порака: Здравата храна е извор на енергија, здравје и радост, а споделувањето ја прави уште повредна! 💚
🍎 Првачињата ја разбудија својата креативност изработувајќи оригинални обележувачи за книги и шарени овошни ражничи.
🍊 Учениците од второ одделение создаваа вистински мали уметнички дела од овошје. Преку нивните креативни изработки, овошјето доби нова форма, а здравата храна стана инспирација за игра и творење.
🥪 Третоодделенците ги засукаа ракавите и подготвија здрави сендвичи, докажувајќи дека со правилен избор на состојки и малку креативност можеме да создадеме вкусен и хранлив оброк.
🍓 Четвртоодделенците подготвија свежо овошно смути – вистинска витаминска бомба исполнета со бои, вкусови и здравје!
💚 Петтоодделенците ја претворија здравата храна во прекрасен чин на внимание и добрина. Тие им подарија здрав оброк на најмалите ученици во нашето училиште – првачињата. Со овој гест покажаа дека грижата за другите, солидарноста и споделувањето се исто толку важни колку и грижата за сопственото здравје.
🌱 Нашата порака за крај:
Светскиот ден на храната нè потсети дека здравите навики се градат од најмала возраст, со мали, но значајни чекори. Да избираме разновидна и здрава храна, да не ја фрламе, да го цениме трудот вложен во нејзиното производство и да ја споделуваме со оние на кои им е потребна.
🍏 Јадеме здраво, живееме среќно, споделуваме од срце!
Поврзани содржини