Во чест на Денот на мајчиниот јазик – 21 февруари, да се потсетиме на значајните вредности од нашето живеење: јазикот, народниот бит и нашиот убав пишуван македонски збор. Светскиот ден на мајчиниот јазик традиционално се одбележува секоја година во ООУ ,,Кирил и Методиј”, Стајковци.

Целта на одбележување на вакви манифестации е негување на мајчиниот јазик, пишаниот збор, збогатување на речникот и развивање на позитивен мисловен процес.

Јазикот е непресушен извор и треба постојано да се следи, да се негува, да се надоградува и пред сè да се зачува суштината на убавиот македонски збор.0

,,Да го негуваме нашиот јазик со тоа што ќе го научиме!”

,,Сакајќи си го својот јазик, ќе ги сакаме и почитуваме и другите јазици”.

,,Секој јазик е нечиј мајчин јазик!”

,,Јазикот е единствената наша татковина. Се додека го чуваме, го негуваме, го вардиме, го гледаме јазикот наш македонски – ќе може да сметаме дека ја имаме и татковината, како куќа, како дом, како огниште”, – Блаже Конески.

Ова се дел од пораките што ги испратија учениците.

И во подрачното училиште, наставниците по македонски и албански јазик заедно со нивните ученици реализираа различни активности како што се: пишување на литературни творби, презентации, пораки, текстови.